Lesbians உணர்வைப் பேசும் வாழ்வு தொடங்குமிடம் நீதானே
கதைக்களம்: இரண்டு இளம் பெண்கள் தன்பாலின சேர்க்கையாளராக மாறி, காதலித்து வாழும் வாழ்க்கையை மையப்படுத்தி தயாராகியிருக்கும் திரைப்படம் ‘வாழ்வு தொடங்குமிடம் நீதானே’ ஷார்ட்ஃபிளிக்ஸ் எனும் ஒ.டி.டி தளத்தில் வெளியிடப்பட்டிருக்கிறது.
ஜாகிரா தரங்கம்பாடியில் உள்ள செல்வாக்கு மிக்க இஸ்லாமிய குடும்பத்தின் மகள். வெளியே எங்கும் செல்ல அனுமதிக்கப்படாமல், வீட்டில் ஓவியம் வரைந்து நேரத்தை செலவிடுகிறார்.
திருச்சியைச் சேர்ந்த நவநாகரீக இளம் பெண் வினோதா, தாழ்த்தப்பட்டோரின் வாழ்வாதாரத்தை நேர்காணல் செய்து அவற்றை யூடியூப்பில் வெளியிடுகிறார்.
அவள் அனுமதி பெற்று ஜாகிராவின் குடும்பத்துடன் அவர்களது வீட்டில் தங்குகிறாள். முதலில், ஜாகிராவும் வினோதாவும் நண்பர்களாகி, பின்னர் அவர்கள் ஒருவருக்கொருவர் ஈர்க்கப்படுவதை உணர்கிறார்கள். அதன் பிறகு இவர்களின் நட்பு காதலாக மாறுகிறது.
தரங்கம்பாடியை விட்டு வெளியேறும் முன் ஜாகிராவின் தந்தையிடம் உண்மையைச் சொல்கிறாள் வினோதா. இதைக் கேட்டு அதிர்ச்சியடைந்த ஜாகிராவின் தந்தை, வினோத்தை திட்டி அனுப்பிவிட்டு, இர்பானுடன் ஜாகிராவின் திருமணத்திற்கு ஏற்பாடு செய்கிறார். தான் காதலித்த பெண்ணையே திருமணம் செய்யப் போவதாக நினைத்து மகிழ்ச்சியில் இருக்கிறார் இர்ஃபான்.
திருமணத்திற்கு முன் இர்பானை தனியாக அழைத்து வினோதாவை காதலிப்பதாக ஜாகிரா கூறுகிறாள். முதலில் கோபமடைந்த இர்ஃபான் பின்னர் ஜாகிராவுக்கு உதவ முன்வருகிறார்.
வினோதாவைத் தேட ஜாகிரா திருச்சி செல்கிறார், அதற்குள் வினோதா தரங்கம்பாடிக்கு ஜாகிராவைத் தேடுகிறார். அடுத்து என்ன நடக்கிறது என்பதே கதையின் கரு.
